هونه‌ر

ئاکۆ عومەر

ئاکۆ عومەر:

ئاکۆ عومەر محمد لە ساڵی 1966 لە گەڕەکی سابوونکەران لە شاری سلێمانی لەدایکبووە ، قۆناغی سەرەتایی و ناوەندنی لەسلێمانی تەواو کردووە ، دەرچووی پەیمانگای هونەرە جوانەکانی سلێمانی بەشی نواندنە ، خاڵی دەستپێکی کاروانی نواندنی ئاکۆ عومەر دەگەڕێتەوە بۆ شانۆگەری ئۆپەرێتی ( لاچۆ لاچۆ) کاری دەرهێنانی لەلایەن هونەرمەندی کۆچی کردوو قادر مستەفا بوو لەساڵی 1972 ، لە ساڵی 1985 بەشداربووه لە زنجیرە درامای ژاڵە کاری دەرهێنانی لەلایەن جەلیل زەنگەنە بوو، لەچەندین کاری شانۆگەری و فیلم و دراما بەشداری کردووە ، بەدەر لە ئەزموونی دراما کاری ڕاگەیاندن و میدیایی دەکات و دەرهێنەری فیلم و دەرهێنەری فیلمی دیکیۆمێنتەریە ، کاری دەرهێنان و وێنەگرتنی بۆ چەند بەرهەمێکی هونەری کردووە …

دیارترینیان :

– درامای کەژاوەی مەرگ وەک کامێرا ..
– درامای گەوهەر وەک کامێرا ..
– درامای لەنێوان خەون و بێداری وەک وێنەگرتن ..
– کورتە فیلمی دواسێوی سەدەی بیستەم ، لە یەکەمین ڤێستیڤاڵی چڵە نێرگز نمایش کرا ..
– خاوەنی بیرۆکەی یەکەمین ڤێستیڤاڵی کورتە فیلمە لەسەر ئاستی هەرێمی کوردستان ..
– کاری دەرهێنان و وێنەگرتنی بۆ چەندین فیلمی دیکیۆمێنتەری کردووە دیاترینیان …
– دۆکیۆمێنتی قوربانییەکان ..
– دۆکیۆمێنتی شکسپیر ..
– دۆکیۆمێنتی ڤالمارا… چەندانی تر

ئەو کارە شانۆییانەی بەشداری تێدا کردووە بریتین :

شانۆگەری پڵنگەکان لەڕۆژی دەیەم دا
– شانۆگەری ئەو پیاوەی بوبە سەگ لە پانتایی دەریا / کەلە ڤێستیڤاڵی شانۆیی عێراق لەشاری بەغداد نمایش کرا ..
– شانۆگەریی قەڵای دەمدەم
– شانۆگەریی گەمەی میر و گزیر
– شانۆگەریی ورچ
– شانۆگەریی حەلاج
– شانۆگەریی سێبەری کەرێک …چەندانی تر
بەهاوبەشی لەگەڵ هونەرمەندی کۆچ کردوو ئاسۆ عومەر سوارە چەندین کاری هونەریان بەرهەم هێناوە
ئاکۆ عومەر لە ڕێگایی ئاسۆی برایەوە ئاشنای هونەری نواندن بوو …
بەشێک لەو کارە هونەریانەی بەهاوبەشی بەشداریان تێداکردووە بریتین لە …
شانۆگەریی تەنەکە / کاری دەرهێنانی لەلایەن ئەحمەد سالار بوو …
شانۆگەری ڕووبار …
درامای خانەکەی حاجی ئاغا /کاری دەرهێنانی لەلایەن سالار سووڵتان بوو … چەندانی تر
خاوەنی چەندین کلیپــه بۆ هونەرمەندان لەوانە …
( بەهجەت یەحیا ، عەدنان کەریم ، محمد عەباس بارام ، شەهێن تاڵەبانی ، حەسەن دەرزی ، کامەران عومەر ، مەریوان سەفادین ، ئاڤان جەمال ، دانیا عەلی ، سامان عومەر ) …. چەندانی تریش
بەشداری چەندین خولی میدیایی کردووە بۆ درووستکردنی فیلم لە کوردستان و ئەوروپا
لەوڵاتی بەریتانیا و یۆنان …
نوێترین کاری هونەری ، کاری وێنەگرتن بوو بۆ شانۆگەریی (مع وقف تنفیذ) کە لەڤێستیڤاڵی قاهیرە لەوڵاتی میسر بەشێوەی ئۆن ڵاین لەمانگی 9 نمایش دەکرێت …
بەدەر لەکاری هونەری ئاکۆ عومەر سەرقاڵی کاری میدیایی و نوسینە …
پێشوو
عەبدولی حەمە جوان
داهاتوو
ڕۆستەم