ئاژه‌ڵه‌ی‌ مالێ

چین…لەگەڵ کۆرۆنا ئەنفلۆنزای باڵندەش بڵاودەبێتەوە

مانگێك بەسەر بڵابوونەوەی ڤایرۆسی كۆرۆنا لە هەرێمی هوبی تێ دەپەڕێ ، دەسەڵاتدارانی چین بڵاوبوونەوەی ڤایرۆسی ئەنفلۆنزای باڵندەیان لە هەرێمی هونان راگەیاند ، تا ئێستەیش نزیكەی 20 هەزار مریشكیان لەناو بردووە و هێشتا هیچ حاڵەتێك لەنێو مرۆڤدا تۆمار نەكراوە.
دەسەڵاتدارانی چین بڵاوبوونەوەی ڤایرۆسی ئەنفلۆنزای باڵندە “H1N5” یان لە هەرێمی هونان ڕاگەیاند ، هەرێمی هونان دەكەوێتە باشووری هەرێمی هوبی كە ڤایرۆسی كۆرۆنای تێدا بڵاوبووەتەوە و بەهۆیەوە زیاتر لە 304 كەس گیانیان لە دەستداوە و زیاتر لە 14 هەزار و 500 كەسی تریش تووش بوونە.
وەزارەتی كشتووكاڵی چین لە بەیاننامەیەکدا ڕوونی كردەوە ، ڤایرۆسی ئەنفلۆنزای باڵندە “H1N5” لە یەكێك لە كێڵگەكانی دامەزراوەی بەخێوكردنی مریشك و قەڵەوكردنی لە ناوچەی شوانغكینگ لە شاری شاویانگ بڵاوبووەتەوە ، ئەو كێڵگەی پەلەوەڕی مریشكە حەوت هەزار و 850 مریشكی تێدا بووە ، چوار هەزار و 500 مریكشیان بەهۆی ڤایرۆسەكەوە مردار بوونەتەوە.
زیاتر گوتی “دوای سەلماندنی بڵابوونەوەی ڤایرۆسەكە ، دەسەڵاتدارانی خۆجێی ناوچەكە 17 هەزار و 828 مریكیشان لەناو بردووە ، بەڵام تا ئێستە هیچ حالەتێك لە تووشبوونی مرۆڤ بەو ڤایرۆسە تۆمار نەكراوە”.
بڵابوونەوەی ڤایرۆسی ئەنفلۆنزای باڵندە “H1N5” لە هونان لە كاتێكدایە دەسەڵاتدارانی چین باری فریاگوزارییان ڕاگەیاندووە و لە هەوڵی بەردەوام دان بۆ كۆنتڕۆڵ كردنی ڤایرۆسی كۆرۆنا كە پەتایەكی كوشندەیە و لە 29ـی كانوونی یەكەمی 2019 یەكەم حالەت لە چین تۆمار كرا، لە 16ـی ئەم مانگە بە فەرمی دەسەڵاتدارانی چین بڵاوبوونەوەی ڤایرۆسەكەیان ڕاگەیاند .
پێشوو
چێ گیڤارا ،ئەفسانەی شۆڕشگێڕی و ئازادیخوازی و سه‌ربه‌رزی
داهاتوو
جاتره‌ چییه‌ سودە سه‌رسوڕهێنه‌ره‌کانی بزانە